Loading Map...
Bericht 4
Written on: Friday February 29th, 2008
A journal entry from: Switzerland - Canada
Hoi ir liebe Lütlis!
Sitter alli “Braun Gebrannt” vor villä Sunnä I dä letschtä drü Wuchä??? (User dr Dave à VT RS Wangen a/A, dä isches vo Natur us J) Sorry dasi erst jetzt schribä, aber i ha di Wuchä grad chli viel um d Ohrä, mit dr Job Suechi… Zerscht mal chli zrüg, i bi ja letscht Wuchäänd mit minä zwöi Schwizer Kolleginä z Whistler am Wältcup Rennä gsi. Mir si am Morgä am Achti bir Main Street igistgä und d Fahrt het de mitem Bus öpä 2 Stund duret und am zähni simer de in Whistler Village acho. Z Wätter isch am Morgä leider nid ganz schön gsi. Mir si de als erst grad a d Information gangä für usäzfindä a welem Hang das Weltcup Rennä stattfindet. Dr Gratis Shuttel Bus het üs de diräkt iz Ziel vom Whistler Rennä bracht. Lüt hets nid so viel ka, drfür Schwizer, sicher öpä 15 Stück und alli z Vancouver am English lerä und für ei Tag uf Whistler uchä… Ja mir hei grad schön dr erst Louf no chönä fertig luege und de isch ja Pousä rund 1.5 Stund. Mir hei dänkt de chöimer de öpis ässä, öpis trinkä etc. Nüt gsi - das isch nid wie z Adelbodä, kei einzigä Verpflegis- oder Getränkestand, zum Glück hani no Sandwich und so drbi kah… (Wenn öper no ä Job suecht für d Olympiadä im 2010 – das wär no ä Marktlückä, i bi nämlech nid dr einzig gsi wo öpis z ässä het welä !!) De isches ou scho los gangä zum zwöit Louf, i und mini Kolleginä diräkt zfoderst forä, mi hetnis sogar im Schwizer Fernseh gseh à i ha ä schön Orange Lüchtendi Jaggä an (Bilder!) Nachdäm das Rennä mitemne zwöitä Platz für d Schwiz isch beändet gsi simer de iz Dorf achä und hei dört no mitemne witere Schwizer abgamacht kah. Und ändlech hetsäch de ou no d Sunnä chli la blickä und mir hei wunderschön gsünnelet ufärä Terassä bim nä feinä Glas z "trinkä. Am füfi isch de Sunnä ou gangä und mir si no ines Pub inä, super Stimmig dert innä, vo jung bis alt si alli dert gsi. Öbä am halbi sibni isch de ä Hunger ufcho und mir si de no fein go Znacht ässä imnä Italien-Restaurant. I ha richtig Lust kah wieder mal ufnäs guets Stück Fleisch und ha de darum ou nid italienisch gässä, i ha äs feins Rindsteak mit Pommes frites und ämnä grünä Salat ka. Am nüni isch de üsä Bus wieder zrüg nach Vancouver gfahrä und dä super Tag isch scho verbi gsi. I ha ja scho gwüsst das di Fahrt mitem Bus ei Wäg 2 Stund geit (lut Reisäprogramm), ha aber dänkt das sig sicher no will mä ned pünktlech cha abfahrä, Stou und was ungerwägs no so alles cha passiere. Aber mir si würklech genau 2 Stund ungerwägs gsi (ohni Stou etc.) Und i ha doch gemeint Vancouver und Whistler köri so fasch ä chli zämä ??? Ja mi cha ou sägä dass Zürich und Davos zämä kört J (Distanz isch öpä glich) Isch ja glich - uf jedä Fall isch das Whistler wunderschön und richtig heimelig. Isch mr würklech grad chli vor cho wi z Adelbodä!! FAZIT: Wunderschöns Dörfli, ir (nöchi) vo Vancouver, Starbucks und McDonalds gits ou dört obä. Tages Chartä zum Schinä chostet 86.- Dollar, z Ässä im Restaurant isch (unerwartet) sehr billig und super guet gsi und drzue hets zum Dessärt no ä gratis Glacä gäh. D Souvenirlädä si gstossä voll mit Vancouver 2010 Fan Artikel, Pullover gits vo 40.- bis 420.- Dollar. Alles isch schön Binenang und richtig gmüetlech – bi ganz sicher nid z letscht mal dört obä gsi !! Wenni de znöchst mal obä bi machi meh Photos vom Dorf. So nach däm wunderbarä Wuchäänd isch de am Mänti dr realtistisch Alltag wieder itroffä: I ha äs Job Agebot übercho! Dr Namä vo däm Hotäl Ressort isch Delta Lodge ca. 30 km vo Banff entfernt.wär dr Link für das Hotäl für mal afang go azluge. Äs ligt würklech sehr abglägä im züg obä aber gseht ganz gmütlech us. Dä wunderschön Herbst wo immer alli verzellä chani wahrschinläch de a vorderster Front erläbä… Ja z Hotäl het 320 Agstellti, i wirdä dört als Patissier arbeitä und di erstä Wuchä schaffi eigentlech nid sondern wirdä so igarbeitet mit Workshops etc. Di Delta-Hotäl Chöti giz in ganz Canada gloub si insgesamt öpä 10 stück und i gloubä äs isch würklech äs super hotäl für mi und wenn mä einisch imnä Delta Hotäl gschaffet het sig dr wiederistig relativ eifach (mi wird bevorzugt...) I wirdes gseh wis isch, jetzt hoffi afang mal das mis Arbeitsvisum ändlech bewilligt wird und de chas de los gah. Äbä für Bilder oder so ufä Link vom Hotäl gah. Witer hani diä Wuchä no ä nöi i Mitbewohnerin übercho (also si het äs eigets Zimmer aber im glichä Hus) si isch us Japan und heisst Maki. Isch sehr ä liebi und mir chöi nis scho relativ guet uf english unterhaltä. Das isch für mi grad super isch si no cho, de chani no meh redä. Hüt hani ir Schuel dr erst gross Test kah, i ha z gfühl daser relativ guet isch gangä aber i wirdes nöchst Wuchä gseh... Hebet ä schönä Tag! Wasnech ufem härzä ligt dörfter alles iz Gästebuch schribä!
Liebä Gruess - ADRIAN
