So mini liebe Lütlis ir Schwiz!

Wie geits öich? I findemi hiä z Vancouver scho relativ guet z rächt, isch natürlech scho chli komisch am Afang, aber i ha ä sehr nätti Gastfamiliä, (dr Vater isch am Sunndi scho mit mr id Bärgä uchä) und sie wohnä schön userhalb ä chli im Grünä fasch wi z Adelbodä :-) Ir Stadt kennemi natürlech no nid so us, findä afang d Schuel ohni Problem weis womä öpis cha ichoufä und ä Kanada - SIM Chartä für z Natel hani ou scho gmacht. Ir Schuel hani no ä Schwizerin kennä glert - vo Rapperswil, isch natürlech scho sehr schön zwüschinä eifach Bärndütsch redä (zumindest i) wi eim dr Schnabel grad gwachsä isch. Ir Schuel hingägä isch das strängstens verbotä, nid nur Dütsch sondern ou nid Japanisch, Chinesisch, Koreanisch, Brasilianisch oder so (het alles da - isch sehr lustig)

ONLY ENGLISH !! 

Steit schön am Eigang, d Konsequänzä si relativ Eifach - mit geit eifach hei und chunt am nöchstä Tag wieder... Z Wätter hiä isch ou nid so Guet, sehr chalt, Schnee und no chli Luft drzue. Di paar Phöteli woni gmacht ha si halt no nid so dr Hammer, aber wenn z Wätter nid stimmt isch da halt nid viel z machä... So i gloube das längt mau, schribä de äs angers mau wider öpis!

Ga jetzt iz Bett (Bis üs isches Di, 05.02.08 21:40 und bi Euch Mi, 06.02.08 06:40)

I wünschä guet Nacht oder besser gseit Euch guete Morgä !!

Liebi Grüess - ADRIAN